Archive for May 2016
AIBU,MKUU WA MKOA AFUMANIWA.
Dadi alikamatwa juzi akidaiwa kukutwa na mtoto huyo wa mkewe wa ndoa mwenye umri wa miaka 21 katika nyumba ya kulala wageni inayoitwa Executive, jirani na makao makuu ya Uhamiaji Zanzibar katika eneo la Kilimani chini na Maisara, mjini Unguja.
Mwanasiasa huyo alijikuta akipigwa pingu na polisi akiwa kifua wazi mbele ya mkewe na wanafamilia na kisha kupelekwa katika Kituo Kikuu cha Polisi Mwembemadema.
Picha za video zilizosambazwa kwenye mitandao ya kijamii, zilimwonyesha Dadi akikabiliwa na mashambulizi makali ya maneno kutoka kwa watu waliomkamata, akiwamo mkewe.
“Mwacheni avae nguo kwanza, mpeleke bwana, twende bwana..." ni baadhi ya maneno yanayosikika katika video iliyorekodiwa wakati wa kumtia mbaroni.
Taarifa zilizopatikana miongoni mwa wanafamilia ya kiongozi huyo, zilidai kwamba alikamatwa baada ya kumtilia shaka binti huyo kutokana na mienendo yake ya hivi karibuni na kuamua kumfuatilia.
Kamanda wa Polisi Mkoa wa Mjini Magharibi, Mkadam Khamis Mkadam alithibitisha kumshikilia Dadi kwa muda kabla ya kumwachia kwa dhamana.
“Kijamii alitenda kosa, lakini sisi tunaendelea kufanya uchunguzi, iwapo tutabaini ametenda kosa la kisheria na anaweza kuwa mashtaka tutamkamata ili kumpeleka katika vyombo vya sheria,” alisema Mkadam.
Mmoja wa wanafamilia ambaye aliomba jina lake lisitajwe alisema: “Mwizi siku zake ni arobaini, tulimtega na hatimaye tumemnasa sasa tuone mwisho wake utakuwa nini na kipi kitajiri baadaye.
Real Madrid kutoana jasho na Atletico Madrid
AFP
Vilabu vya Real Madrid na Atletico Madrid vinakabiliana Jumamosi katika fainali ya kombe la vilabu bingwa Ulaya.
AFP
Huku timu zote mbili zikishindwa kuizuia Barcelona kushinda kombe la liga,bila tatizo ni timu mbili bora Ulaya na mechi hiyo inatarajiwa kuwa ya kukata na shoka.
AFP
Hatahivyo,lakini ni wachezaji gani waliomo katika vikosi vya timu zote mbili.
AP
Huku Christiano,Gareth Bale ,Koke na Antoine Griezman wakishiriki huenda mechi hiyo ikatoa msisimuko wa kiwango cha juu.
Mapigano yaibuka kati ya IS na waasi Syria
Mshirikishe mwenzako
AFP
Mapigano makali yametokea Kaskazini mwa Syria wakati kundi la Islamic State linajaribu kutwaa mji unaodhibitiwa na waasi wa Marea.
Islamic State walitekeleza shambulio la asubuhi mapema, wakiwa na makombora, mizinga na magari yaliowekwa bomu.
EPA
Kundi hilo limekuwa likikaribia eneo hilo siku za hivi karibuni.
Umoja wa Mataifa unasema kuwa raia wamejipata katikati mwa mapigano hayo wakijaribu kutoroka.
DARASA LA NGONGORO WAIBUKA WASHINDI AJTC
 |
| Darasa la Mbuga ya Ngorongoro katika chuo cha Uandishi wa Habari na Utangazaji Arusha(Ajtc) wakishangilia mara baada ya kuibuka washindi katika michano ya utangazaji iliyofanyika chuoni hapo. |
Michuano ya utangazaji katika chuo cha uandishi wa habari na utangaza Arusha
(A.J.T.C) imemalizika hii leo ambapo mshindi wa kwanza hadi wa mwisho amejulikana.
Darasa lililoibuka kidedea katika mashindano hayo yaliyochukua takribani siku tano linatambulika kwa jina la Mbuga ya Ngorongorongoro.
Mashindano hayo aliyohusisha madasa 13, darasa la Ngorongoro limejishindia kombe lenye thamani ya Tsh 10,000 pamoja na pesa taslimu Tsh 150,000.
Nafasi ya pili katika michuano hiyo Utangazaji ilichukuliwa na darasa linaloitwa Mlima Kilimanjaro huku wakijinyakulia tsh10,000 na darasa la Serengeti limeshikili nafsi ya tatu na kupewa zawdi fedha taslimu Tsh 75,000.
Mkurugenzi wa chuo hicho cha uandishi wa habari na utangazaji Arusha bw Joseph Mayagila amewapongeza wanafunzi wote walioshiriki na kuwataka waendelee kujituma katika masomo yao ili wafanye vizuri katika tasnia ya uandishi wa habari na utangazaji.
Akifunga mashindano ya utangazaji katika ukumbi wa chuo hicho mkuu wa wa kitengo cha utangazaji chuo hapo Bw Onesmo Elia Mbise amewapongeza darasa la Mbuga ya Ngorongoro anakuwataka wanafunzi wote chuo hapo kuwa na tabia ya kufanya mazoezi ya utangazaji ili kujiimarisha na kuwa vizuri katika fani hiyo.
Rais Maduro kuongeza mamlaka
Rais wa Venezuella, Nicolas Maduro, amesema yuko tayari kuongeza mamlaka yake chini ya utawala wa hali ya hatari iliyotangazwa wiki iliyopita.
Hatua hiyo imefikiwa ili kukabiliana na waandamanaji wanaopinga serikali ya taifa hilo. Maduro amedai kuwa upinzani unachochea ghasia na pia kupanga njama ya kuipindua serikali yake. Amesema hatasita kuchukua hatua zinazofaa ili kudumisha amani nchini Venezuela, ambayo inakabiliwa na mzozo mkubwa wa kiuchumi.
Ndege ya Misri yatoweka ikitoka Paris
Ndege moja ya shirika la ndege la Misri la EgyptAir, iliyokuwa ikitoka mji mkuu wa Ufaransa Paris hadi Cairo, imetoweka kutoka kwenye mitambo ya rada.
Maafisa wanaosimamia safari za ndege wanasema kuwa ndege hiyo aina ya Airbus A320, ilikuwa na abiria 59 na wahudumu kumi.
Shirika hilo limesema kuwa ndege hiyo ilitoweka katika maeneo ya mashariki ya bahari ya Mediterranean, kilomita 16 ndani ya anga ya Misri.
Hakuna dalili zozote za kuwepo kwa hali mbaya ya anga.
Misri imetuma ndege za kivita kusaka ndege hiyo kwa ushirikiano na utawala wa Ugiriki.
Man U yatinga ligi ya Europa
Marcus Rashford alikuwa kivutio baada ya Manchester United kufuzu moja kwa moja kucheza michuano ya ligi ndogo ya ulaya (Europa League) baada ya kuwachapa Bournemouth katika mchezo wao wa ligi uliokuwa wa kiporo.
Timu hizo hazikuweza kuukamilisha mchezo huo siku ya jumapili baada ya kuhisiwa kuwepo bomu katika moja ya viti vya mashabiki.
Wayne Rooney alikuwa wa kwanza kuiandikia bado United baada ya kupokea pasi safi kutoka kwa Antony Martial kabla ya Marcus Rashford kupachika la pili na baadaye Ashley Young kumalizia la tatu.
Goli la tatu na la ushindi kwa United liliifanya timu hiyo kukaa juu ya Southampton,ambao wataingia katika michuano midogo ya ligi ya Ulaya (Europa League) lakini kwa kuanzia hatua ya makundi msimu ujao.
Kwa sasa Mashetani hao wekundu wanaamishia makali yao katika mchezo wa fainali ya FA utakaochezwa Jumamosi dhidi ya Crystal Palace kwenye dimba la Wembley.
Louis van Gaal, ambaye bado hatima yake haijajulikana ndani ya timu hiyo anataka kuiongoza United kupata taji lake la kwanza tokea walivyoshinda ligi kuu ya England mwaka 2013 chini ya Sir Alex Ferguson.
Clinton ajitangaza mshindi mchujo wa Kentucky
Mgombea urais wa chama cha Democratic nchini Marekani Hillary Clinton amejitangaza mshindi kwenye mchujo wa chama hicho katika jimbo la Kentucky.
Huku kura nyingi zikiwa zimehesabiwa katika jimbo hilo, na uongozi wake ukiwa chini ya 0.5%, Bi Clinton ametangazwa kuwa mshindi asiye rasmi na mmoja wa maafisa katika jimbo hilo.
Katika jimbo jingine la Oregon, ambalo pia lilifanya mchujo Jumanne, Seneta Bernie Sanders ameibuka mshindi.
Bi Clinton, ambaye anaongoza kwa wajumbe katika chama cha Democratic, ana matumaini makubwa ya kupata uteuzi Julai.
Alison Lundergan Grimes, mwenyekiti wa bodi ya uchaguzi ya Kentucky, ameambia CNN kwamba matokeo yasiyo rasmi yanaonesha Clinton atapata ushindi mwembamba katika mchujo Kentucky.
Muda mfupi baadaye, Bi Clinton ameandika kwenye Twitter: "Tumeshinda Kentucky! Nawashukuru sana nyote mliojitokeza. Tuna nguvu zaidi daima tukiwa na umoja.”
Bw Sanders, akihutubia mkutano California Jumanne, alisema bado ataendelea na kampeni yake.
Katika chama cha Republican, Donald Trump ameshinda mchujo, jambo ambalo si la kushangaza kwani ndiye pekee aliyesalia kwenye kinyang’anyiro.
Besigye kizimbani leo kwa uhaini
Kiongozi wa upinzani nchini Uganda Kizza Besigye asubuhi hii anatarajiwa kufikishwa mahakamani akikabiliwa na tuhuma za uhaini.
Kizza Besigye ndiye aliyekuwa mpinzani mkuu wa Rais Yoweri Museveni kwenye uchaguzi wa nchi hiyo uliofanyika hivi karibuni.
Inaonekana leo itakuwa ni nafasi nzuri kwa upande mashtaka kurekebisha makosa katika hati za mashtaka dhidi ya Kizza Besigye ambapo itakuwa mara ya pili kufikishwa mahakamani akikabiliwa na tuhuma hizo za uhaini kwani awali alifikishwa mahakani kwa mara ya kwanza siku ya Ijumaa iliyopita katika mji huo wa Moroto .
Besigye alishikiliwa na polisi kwa muda wa siku mbili ambapo alifikishwa mahakamani huku shughuli za mahakama zikiwa zimekisha.
Kumekuwa na malalamiko kutoka kwa wafuasi wake ambao wamekuwa wakisema hakuruhusiwa kuwasiliana na wanasheria wake.
Besigye anakabiliwa na tuhuma za kujitangaza kuwa mshindi wa rais wa Uganda mwezi February japo mshindi aliyetangazwa na mahakama ya juu nchini Uganda ni Rais Yoweri Museveni ambaye aliapishwa wiki iliyopita kuwa Rais wa Uganda.
Trump: Ninaweza kuzungumza na Kim Jong-un
Mgombea urais wa chama cha Republican nchini Marekani Donald Trump amesema yuko tayari kufanya mazungumzo na kiongozi wa Korea Kaskazini kuhusu mpango wa nyuklia wa taifa hilo.
“Ninaweza nikazungumza naye, Siwezi kuwa na tatizo kuzungumza naye,” Bw Trump alisema kuhusu Kim Jong-un.
Mkutano huo ungekuwa tofauti kabisa na msimamo wa muda mrefu wa Marekani kuhusu Korea Kaskazini.
Hatua hiyo imemfanya mgombea anayeongoza katika kinyang’anyiro cha chama cha Democratic Hillary Clinton kumshutumu Bw Trump na kusema anashangaza kwa kuwaenzi sana viongozi wababe wan chi za nje.
Taarifa iliyotolewa na mmoja wa wasaidizi wa Bi Clinton imesema sera ya mambo ya nje ya Bw Trump usio wa maana yoyote.
- Obama: Trump haelewi sera za kigeni
- Trump achekwa kwa alivyotamka Tanzania
- Trump: Meya Mwislamu anakaribishwa Marekani
Kwingineko, BBC imefahamu kwamba huenda Bw Trump akazuru Uingereza kabla ya kufanyika kwa uchaguzi mkuu nchini Marekani mwezi Novemba.
Wanadiplomasia wanatarajia ziara hiyo ifanyike baada yake kuwa rasmi mgombea urais wa chama cha Republican mwezi Julai.
Mapema wiki hii, Bw Trump alisema dalili zinaonesha huenda asiwe na uhusiano mwema sana na Uingereza.
Waziri Mkuu wa Uingereza David Cameron na meya mpya wa London Sadiq Khan, ambaye ni Mwislamu, wamemshutumu Bw Trump kutokana na hatua yake ya kupendekeza Waislamu wazuiwe kuingia Marekani.
HISPANIA YA ZINDUA JEZI ZA NGOZI.
Timu ya daraja la tatu nchini Hispania ya Club Deportivo Palencia imezindua jezi yenye muonekano wa ngozi.
Jezi hiyo wataitumia wakati wa mechi za play off kuwania kupanda Segunda B yaani ligi daraja la pili.
Kauli mbiu ya timu hiyo kwa mashabiki wao ni “tunakupa ngozi zetu” na tayari imekuwa gumzo kubwa
Wapenzi wa Jinsia moja wapinga ukaguzi wa 'tupu ya nyuma'
Wanaume wawili wanaosema kuwa maafisa wa polisi wa Kenya waliwalazimisha kufanyiwa ukaguzi wa tupu ya nyuma ili kubaini kwamba walishiriki katika ngono ya mapenzi ya jinsia moja wameanzisha kesi mahakamani wakitaka ukaguzi huo kuwa ukiukaji wa katiba.
Wanasema kuwa walilazimishwa kufanyiwa ukaguzi wa magonjwa ya virusi vya ukimwi na Hepatitis kufuatia kukamatwa kwao mnamo mwezi Februari 2015 baada ya kushukiwa kwamba wanashiriki katika ngono ya mapenzi ya jinsia moja.
Vitendo vya wapenzi wa jinsia moja kushiriki ngono ni kinyume na sheria nchini Kenya na adhabu ya makosa hayo ni miaka 14 jela.
Mahakama ya Mombasa imewapatia mawakili wa serikali wiki moja kutoa jibu.
Chini ya sheria ya kimataifa ,ukaguzi wa lazima katika tupu ya nyuma ni kitendo cha kikatili,unyama na ni sawa na mateso kulingana na kundi la haki za kibinaadamu Human Wrights Watch.
Manchester City wachapwa na Real Madrid
Manchester City wameshindwa kufika katika fainali za kwanza za klabu bingwa barani Ulaya (UEFA) baada ya kutolewa na mabingwa mara 10 wa michuano hiyo Real Madrid katika mchezo uliokua wa kuvutia tena wa aina yake. Walichapwa 1-0.
Baada ya kutokuwa na ushindi wowote katika mzunguko wa kwanza, Real Madrid walianza kuongoza kipindi cha kwanza kufuatia mpira wa krosi uliopigwa na Gareth Bale kumbabatiza kiungo wa City Fernando na kuingia nyavuni.
Real waliutawala mchezo huku mpira wa kichwa uliopigwa na Bale ukigonga mwamba na baadaye mlinda mlango wa City Joe Hart akiondoa mikwaju ya Luka Modric na Cristiano Ronaldo.
Getty
Klabu hiyo ya Uingereza ilikuwa ikihitaji bao moja muhimu la ugenini hususan katika dakika za lala salama kuelekea fainali,lakini hilo halikuweza kufanikiwa licha ya kushangiliwa na mashabiki wake wapatao 4,500.
Madrid walipata wakati mgumu kidogo pale mkwaju mkali wa Sergio Aguero ulipogonga nyavu za juu za lango la Madrid. Real sasa watakutana na Atletico katika uwanja wa San Siro tar 28 Mei, hii ikiwa ni kama marudio ya fainali za mwaka 2014 ambapo Real walishinda kwa mabao 4-1 baada ya muda wa nyongeza
Chelsea na Tottenham wamepigwa faini
Chelsea na Tottenham wamepigwa faini kwa pamoja na shirikisho la soka nchini Uingereza FA kwa kukabiliwa na makosa matatu ya kushindwa kuwazuia wachezaji pamoja na maofisa wake wakati na baada ya mchezo wa jumatatu.
Kiungo wa Spurs Mousa Dembele amekumbana na adhabu pia ya kusababisha vurugu katika mchezo huo ulioisha kwa suluhu ya 2-2.FA inasema kuwa kitendo cha Dembele kumuingizia vidole machoni mchezaji wa Chelsea Diego Costa ni utovu mkubwa wa nidhamu.
Hiyo ina maana ''akikutwa na hatia'' kufungiwa michezo mitatu pekee haitoshi.Dembele, 28,amepewa mpaka siku ya Alhamisi kujibu mashataka hayo huku kwa pamoja Chelsea na Tottenham wakipewa mpaka siku ya jumatatu.
AP
Katika mchezo huo zilitolewa kadi za njano 12 kutokana na vurugu zilizosababishwa na pande zote mbili. Spurs walihitaji kuifunga Chelsea ili kuweza kurudisha matumaini ya kutwaa taji la ligi kuu England lakini wakaishia suluhu hivyo Leicester kuwa mabingwa.
Meneja wa Tottenham Mauricio Pochettino aliingia uwanjani kwa hatua kadhaa kwa lengo la kuwaachanisha mlinzi wa Spurs Danny Rose na kiungo wa Chelsea Willian,huku pia Rose akihusishwa katika tukio lililosababisha mejena wa Chelsea kuangushwa chini.
Mwamuzi wa mchezo huo Mark Clattenburg hakuweza kutoa adhabu kwa Dembele kwa vitendo vyake lakini kamera za uwanjani zilimnasa Mbelgiji huyo akiingiza vidole vyake kwenye macho ya Costa.
